За некои и нешта за кои можеби првпат читате или воопшто не сте помислиле, а камо ли да размислувате:

-Винилните плочи се „живи“- за умрените;
-Кубански селанец го удрил гром дури 4 пати!;
-Го викаат „мал Моне“. 8- годишниот Кјерон Вилијамсон од Норфолк е веќе славен;
-Дали сте чуле за Хјугет Кларк? Која е таа?

И случките и приказните се необични и несекојдневни онолку колкут што сме ние опколени или заробени во обичното и секојдневното.

Обично или необично, секојдневно или несекојдневно- за кого како:

-откриена е најосамената телефонска говорница на 20-от век;
-иновација: вино во чаши за осаменици;
-прогласен најгрдиот пес на светот;
-на врвот на невкусот во туристичкото облекување: Англичаните.

Необично во обичното толку многу се намножува секој ден што е најлесно со него да се минуваат нездодевно денови и ноќи. Или, на пример, да се организира сајт- портал на Интернет, какви што веќе ги има недоброј. Дури и не е потребен некој посебен критериум за евентуална селекција, освен да се избира што понеобично од необичното.

На нашиов сајт се доволни неколкуте подрубрики во рамките на рубриката „Ај“, и тоа не позачестено од другите. Од едноставна причина што целта е помеѓу обичното и необичното во која било област од нашето живеење, работење, дознавање и сознавање секогаш да има знак на равенство- да се рамномерни и рамноправни.

Секој ден се случуваат и ни се случуваат безброј бизарни настани, та почнавме дури и да не ги забележуваме. Како нашата живеачка и работа да станаа толку бизарни, што се научивме да ги прифаќаме и третираме како обични, помеѓу обичното и необичното да ставаме знак на равенство. Па сепак, забележани пред заборав можеби припомагаме за нивен незаборав.

На пример, од не така далечната 2006-та:

-ограбување на една мошне „специфична" банка;

-опасен, но многу повеќе грозоморен стрес;

-необично убиство-за спас од кивавица;

-„мајстор за заби“ кој успешно се претставувал како лекар и „дебело“ наплатувал;

-успешна полиција која пронашла автомобил украден пред речиси 4 децении;

-и еден итроман „откажан“ од работа кој добивал плата уште 5 години.