Судниот ден и пророштвата врзани за мајанскиот календар не се новост. Во популарната култура (поп културата) често се спомнуваат низ филмот, музиката и стотици книги. Меѓутоа, дали се тие погрешно сфатени под силниот мистицизам и нејзиниот налет?

Досега се изнаслушавме разни предвидувања за иднината на човековата цивилизација и судбината на планетата Земја. Притоа, не се толку интересни „погодувањата“, тие и онака се малку на број, колку промашувањата.

Меѓутоа, има едно, кое дури не би требало да се смета за предвидување, туку за нешто што веќе и се случува на Земјата и допрва ќе добива драматични размери, и тоа со научна втемеленост: слабеењето на магнетното Земјино поле и нејзиното јадро.

Иако се уште има многумина учени и лаици кои не веруваат дека човекот не е единственото свесно суштество во вселената, а уште помалку дека многу скоро на некоја точка од планетава ќе се случи „официјална“ средба со нив (во еден прилог прогнозирав дека тоа ќе се случи најмногу за 2 години), многу сознанија и аргументи го кажуваат спротивното: не само оти е несомнено нивното постоење, туку и средби со нив имало одамна, има и тие допрва ќе добиваат на интензитет.

Пред две години орбитерот Venus Express на ESA, што им помага на научниците во истражувањето на Венера, најблиската планета на Земјата во насока на Сонцето, ја „постави“ можноста од нејзина некогашна населеност, а еден руски научник тврди дека на неа и сега има живот!